დავით ბაქრაძე - ოპოზიცია თბილისის კანდიდატებთან დაკავშირებით უახლოეს დღეებში შეჯერდება
ვფიქრობ, უახლოეს დღეებში ოპოზიცია შეჯერდება თბილისის კანდიდატებთან დაკავშირებით და საზოგადოებას გავაცნობთ ამას, - ამის შესახებ „ევროპული საქართველოს“ ლიდერმა დავით ბაქრაძემ ჟურნალისტებს ოპოზიციური ძალების მიერ მაჟორიტარობის საერთო კანდიდატებზე შეთანხმების საკითხთან დაკავშირებით განუცხადა.
კითხვაზე, მაჟორიტარობის კანდიდატების წარდგენა 20 ივნისის აქციაზე მოხდება თუ არა, დავით ბარქაძემ უპასუხა, რომ ეს დაზუსტებული არ არის. მისივე თქმით, როგორი იქნება აქციის ფორმატი, ამას წყვეტენ სამოქალაქო საპროტესტო ჯგუფები და საზოგადოება.
„აქციის ფორმატს ჩვენ არ ვწყვეტთ. პირველ რიგში, ამას წყვეტენ სამოქალაქო საპროტესტო ჯგუფები და საზოგადოება. რაც შეეხება გადაწყვეტილებას, ვფიქრობ, უახლოეს დღეებში ოპოზიცია შეჯერდება თბილისის კანდიდატებთან დაკავშირებით და საზოგადოებას გავაცნობთ ამას, მაგრამ თვითონ აქციაზე მოხდება თუ არა, ეს მხოლოდ ჩვენი გადასაწყვეტი არ არის. აქციის ფორმატი სამოქალაქო საპროტესტო ჯგუფებთან თანხმდება,“ - განაცხადა ბაქრაძემ.
v-if="article.gallery" v-html="article.gallery"
