ოკუპირებული აფხაზეთის დე-ფაქტო ხელისუფლების გადაწყვეტილებით, "რუსეთ-აფზახეთის საზღვარზე", მდინარე „ფსოუს“ გამშვებ პუნქტზე, რუსეთიდან შემოსულ მოქალაქეებს კორონავირუსზე ტესტს ჩაუტარებენ, - ამის შესახებ ინფორმაციას ადგილობრივი მედია დე-ფაქტო ჯანდაცვის სამინისტროზე დაყრდნობით ავრცელებს.
მათივე თქმით, მოქალაქეების ბიომასალა გამშვებ პუნქტზე მდებარე მობილურ კლინიკაში მოხდება, შემდეგ კი ნიმუშებს ე.წ. „რესპუბლიკის“ ლაბორატორიაში გადაიტანენ.
შეგახსენებთ, აფხაზეთმა რუსეთთან საზღვარი კორონავირუსის გავრცელების საფრთხის გამო 28 მარტს ჩაკეტა. 12 ივნისს ოკუპირებული აფხაზეთის დე-ფაქტო პრეზიდენტმა ასლან ბჟანიამ ხელი მოაწერა „განკარგულებას“, რომლის თანახმადაც საზღვარი 1 ივლისამდე ჩაკეტილი დარჩება. დოკუმენტის მიხედვით, საზღვრის გადაკვეთა მხოლოდ დიპლომატებს, სამხედრო მოსამსახურეებს და სატვირთო მანქანების მძღოლებს შეუძლიათ.