ანრი ოხანაშვილი - ნათელაშვილის ფანჩატურში რომ იკრიბებიან, რა გაუკეთებია ამ ხალხს ჩვენი ქვეყნისთვის ისეთი, რომ ახლა მის მომავალ განვითარებაზე იზრუნონ?

ნათელაშვილის ფანჩატურში რომ იკრიბებიან, რა გაუკეთებია ამ ხალხს ჩვენი ქვეყნისთვის ისეთი, რომ ახლა ქვეყნის მომავალ განვითარებაზე იზრუნონ? ეს ხომ არასერიოზული და ცინიკურია, - ამის შესახებ იურიდიულ საკითხთა კომიტეტის თავმჯდომარე ანრი ოხანაშვილმა ჟურნალისტებთან განაცხადა.

მისი თქმით, საზოგადოება კარგად ხედავს, ვინ არიან ისინი რეალურად.

„ნათელაშვილის ფანჩატურში რომ იკრიბებიან ოქრუაშვილი, ვაშაძე, ბიუჯეტის ქურდი, გაურკვეველი ანტიდასავლური ორიენტაციის მქონე პირები, ჩხეიძე, ბესელია და ნათელაშვილი - რა გაუკეთებია ამ ხალხს ჩვენი ქვეყნისა და საზოგადოებისთვის ისეთი, რომ ახლა რამეზე შეთანხმდნენ და მაჭუტაძე-ოქრუაშვილმა-ბურჯანაძე- ბოკერიამ ჩვენი ქვეყნის მომავალ განვითარებაზე იზრუნონ? ეს ხომ არასერიოზული და ცინიკურია საზოგადოებისთვის. ამიტომ ხშირად უნდა გამოჩნდნენ ეს ადამიანები, რომ ჩვენმა საზოგადოებამ დაინახოს, რა ჯგუფებთან გვაქვს საქმე და ღირსეული არჩევანი გააკეთონ არჩევნებზე,"- განაცხადა ოხანაშვილმა.

ის ასევე გამოეხმაურა ახალციხეში ვანო მერაბიშვილის მაჟორიტარ კანდიდატად დაყენების შესახებ ინფორმაციას და განაცხადა, რომ ამას „მიესალმება".

„რაც მეტი ვანო მერაბაშვილი იქნება მაჟორიტარად, მით უფრო კარგი, რომ გამოუტანოს განაჩენი მას და მისნაირი კრიმინალური წარსულის მქონე ადამიანებს ჩვენმა საზოგადოებამ. ამ ადამიანების მიმართ ბევრჯერ იქნება გამოტანილი პოლიტიკური განაჩენი, რომ დაუშვებელია ამ ადამიანების ხელისუფლებასთან გაკარებაც კი",- განაცხადა ოხანაშვილმა.

სტეპან გრიგორიანი - სომხურმა შენაერთებმა ის სამი სიმაღლე დაიკავეს, რომელსაც ადრე აზერბაიჯანი აკონტროლებდა
რასიმ მუსაბეკოვი - როცა მოლაპარაკებები არანაირ შედეგს  არ იძლევა, ასეთი ვითარება მხოლოდ ომის განახლებით შეიძლება დასრულდეს, ამაში ეჭვი არავის არ უნდა ეპარებოდეს
ქართული პრესის მიმოხილვა 15.07.2020
ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა
ჰიუნდაი ავტო საქართველომ სონატას ახალი მე-8 თაობის მოდელი წარადგინა
სასტუმრო „ბილტმორ თბილისის“ სპა ცენტრი განახლებული შეთავაზებებით ჩვეულ რეჟიმს უბრუნდება