ოკუპირებული ე.წ. სამხრეთ ოსეთის ზნაურის რაიონში უბედური შემთხვევა მოხდა. 15 წლის მოზარდი მეხის დაცემის შედეგად გარდაიცვალა. ამის შესახებ სააგენტო „რესი“ იუწყება.

მოზარდი ე.წ. რესპუბლიკურ საავადმყოფოში გადაიყვანეს. მას სასიცოცხლო ნიშნები არ ეტყობოდა.

წინასწარი მონაცემებით, გარდაცვლილი სოფელ მუგუთიდან არის, რომელიც მდინარეზე იმყოფებოდა და ხელში მობილური ტელეფონი ეკავა. ტრაგედიის სხვა დეტალების შესახებ არაფერია ცნობილი.