ოკუპირებულ ცხინვალში კორონავირუსით ინფიცირების 3 ახალი შემთხვევა დადასტურდა, - შესაბამისი განცხადება ოკუპირებული ე.წ. სამხრეთ ოსეთის მთავარი სანიტარული ექიმის მოადგილე ანა გაგლოევამ გააკეთა.
„ორი მათგანი რუსეთის სამხედრო სასწავლებლის კურსანტია, ერთი კი - მედპერსონალის წარმომადგენელი,“- განაცხადა გაგლოევამ.
დე-ფაქტო ხელისუფლების ინფორმაციით, დღემდე კორონავირუსის 83 შემთხვევაა დადასტურებული, აქედან 45 პაციენტი უკვე გამოჯანმრთელდა.