მედიის ინფორმაციით, ენგურის ე.წ. საზღვრის გახსნის პირველ საათებში ოკუპირებულ აფხაზეთში 102 ადამიანი გადავიდა

პირველ რამდენიმე საათში, ენგურის ე.წ. საზღვრის გახსნის შემდეგ, საქართველოს კონტროლირებადი ტერიტორიდან ოკუპირებულ აფხაზეთში 102 ადამიანი დაბრუნდა. ამის შესახებ „სპუტნიკს“ ე.წ. სახელმწიფო უშიშროების სასაზღვრო რაზმის მეთაურმა რუსტამ ლატიპოვმა განუცხადა.

აღნიშნული დე ფაქტო სამსახურის ცნობით, საქართველოს კონტროლირებად ტერიტორიაზე ბევრი აღმოჩნდა ისეთი ადამიანი, ვისაც ოკუპირებულ ტერიტორიაზე ცხოვრების უფლება აქვს.

როგორც ცნობილია, ოკუპირებული აფხაზეთის დე ფაქტო ხელისუფლება 22-დან 24 ივნისამდე ე.წ. ჰუმანიტარულ კორიდორს უზრუნველყოფს საქართველოს ხელისუფლების მიერ კონტროლირებად ტერიტორიაზე დარჩენილი პირებისა და აფხაზეთში მცხოვრები ადამიანების დასაბრუნებლად. ამის შესახებ ინფორმაციას ე.წ. სახელმწიფო უშიშროების კომიტეტი ავრცელებს.

მათი ინფორმაციით, ენგურის ე.წ საკონტროლო გამშვებ პუნქტზე გადასვლა შესაძლებელი იქნება 09:00-დან 19:00 საათამდე.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ