საოკუპაციო ძალების მიერ დაკავებულ და შემდეგ გათავისუფლებულ მამაკაცს კორონავირუსი არ დაუდგინდა

გორის მუნიციპალიტეტში, გამყოფი ხაზის სიახლოვეს მდებარე სოფელ ახალუბნის განაპირას დაკავებულ მწყემსს, რომელიც საოკუპაციო ძალების წარმომადგენლებმა დაკავებიდან რამდენიმე საათში გაათავისუფლეს, კორონავირუსული ინფექცია არ დაუდასტურდა.

კლინიკა ,,გორმედში“, სადაც 63 წლის ჯუმბერ ფსიტიძეს Covid 19-ზე ტესტირებისთვის ნიმუში აუღეს, დღეს საღამოს აცნობეს, რომ ლუგარის ცენტრში უარყოფითი პასუხი დაფიქსირდა.

ფსიტიძემ კლინიკა ცოტა ხნის წინ დატოვა.

შეგახსენებთ, გამყოფი ხაზის სიახლოვეს, ჯუმბერ ფსიტიძე დე ფაქტო რეჟიმის წარმომადგენლებმა გუშინ დააკავეს. დაკავებიდან რამდენიმე საათში კი გაათავისუფლეს. ქართველმა სამართალდამცავებმა ოკუპირებული ტერიტორიიდან გათავისუფლებული მწყემსი კლინიკაში გადაიყვანეს, სადაც პროფილაქტიკის მიზნით Covid 19-ზე კვლევა ჩაუტარდა.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ