მიხეილ კალანდიას ადვოკატის განცხადებით, ხვალ იუსტიციის უმაღლესი საბჭოს დამოუკიდებელ ექსპერტს საჩივრით მიმართავს
ხორავას ქუჩაზე დავით სარალიძის განზრახ ჯგუფურად მკვლელობის საქმეზე მსჯავრდებულ მიხეილ კალანდიას ადვოკატი ზურაბ თოდუა იუსტიციის უმაღლესი საბჭოს დამოუკიდებელ ექსპერტს საჩივრით მიმართავს. აღნიშნულის შესახებ „ინტერპრესნიუსს“ ზურაბ თოდუამ განუცხადა.
ადვოკატის თქმით, საჩივარს ხვალ, 11:00 საათზე შეიტანს.
„ხვალ, 11:00 საათზე, იუსტიციის უმაღლესი საბჭოს დამოუკიდებელ ინსპექტორს, ზურაბ აზნაურაშვილს, მოთხოვნით მივმართავ, დაკმაყოფილდეს ჩვენი შუამდგომლობა მოსამართლე ნიკოლოზ მარსაგიშვილის მობილური ტელეფონიდან შემავალი და გამავალი ზარების შესახებ ინფორმაციების მოპოვების შესახებ, მიხეილ კალანდიას სასამართლო სხდომების მიმდინარეობის პერიოდში. 2020 წლის 27 აპრილს, შესაბამისი შუამდგომლობით მივმართე დამოუკიდებელ ინსპექტორს გამოეთხოვა ინფორმაციები მოსამართლე ნიკოლოზ მარსაგიშვილის მობილური ტელეფონიდან შემავალი და გამავალი ზარების შესახებ სადავო დროის მონაკვეთებში (მიხეილ კალანდიას საქმის მიმდინარეობის დროის მონაკვეთებში)“, - აცხადებს თოდუა.
v-if="article.gallery" v-html="article.gallery"
