საქართველოს ოკუპირებული რეგიონების დე ფაქტო ლიდერები პუტინის მიწვევით რუსეთში ჩავიდნენ

საქართველოს ოკუპირებული რეგიონების დე ფაქტო ლიდერები მეორე მსოფლიო ომის დასრულებიდან 75 წლის იუბილესთან დაკავშირებით დაგეგმილ ღონისძიებებზე დასასწრებად რუსეთში ჩავიდნენ.

„სამხრეთ ოსეთის პრეზიდენტის ანატოლი ბიბილოვის ვიზიტი რუსეთის ფედერაციაში დაიწყო,“- განაცხადა ჟურნალისტებთან საუბარში ე.წ. პრეზიდენტის, ანატოლი ბიბილოვის პრესმდივანმა დინა გასიევამ.

მისივე თქმით, აღლუმზე ანატოლი ბიბილოვი პირადად რუსეთის პრეზიდენტმა მიიწვია.

„სამხრეთ ოსეთის პრეზიდენტი მოსკოვში სამუშაო შეხვედრებს გამართავს, ასევე მონაწილეობას მიიღებს დიდ სამამულო ომში გამარჯვების 75 წლისთავისადმი მიძღვნილ ღონისძიებებში, რუსი კოლეგის ვლადიმერ პუტინის მიწვევით,“- განაცხადა გასიევამ.

ადგილობრივი მედიის ცნობით, ანატოლი ბიბილოვი რუსეთიდან დაბრუნების შემდეგ ორკვირიან კარანტინს გაივლის.

რუსული მედიის ინფორმაციით, გამარჯვების დღესთან დაკავშირებით დაგეგმილ ღონისძიებებზე დასასწრებად რუსეთში ჩავიდა აფხაზეთის ე.წ. პრეზიდენტი ასლან ბჟანიაც.

ცნობისათვის, რუსეთში დღეს მეორე მსოფლიო ომის დასრულებიდან 75 წლის იუბილესთან დაკავშირებით საზეიმო აღლუმი იმართება.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს