ოკუპირებული აფხაზეთის დე ფაქტო პრეზიდენტი ასლან ბჟანია რუსეთის პრეზიდენტს ვლადიმერ პუტინს შეხვდა, - ამის შესახებ ინფორმაციას აფხაზური მედია ბჟანიას პრესსამსახურზე დაყრდნობით ავრცელებს. მათივე ინფორმაციით, პუტინი- ბჟანიას შეხვედრა მოსკოვში გაიმართა.

„რუსეთის პრეზიდენტი ვლადიმერ პუტინი აფხაზეთის ლიდერს კრემლის სასახლეში შეხვდა. ასლან ბჟანიამ ვლადიმერ პუტინს აფზახი ხალხის სახელით გამარჯვების დღე მიულოცა და მიწვევისთვის მადლობა გადაუხადა,“- ნათქვამია ბჟანიას პრესსამსახურის მიერ გავრცელებულ განცხადებაში.

შეგახსენებთ, ოკუპირებული აფხაზეთისა და ცხინვალის რეგიონების ე.წ.პრეზიდენტები ასლან ბჟანია და ანატოლი ბიბილოვი მოსკოვში მეორე მსოფლიო ომის გამარჯვების წლისთავის აღსანიშნავად დაგეგმილ ღონისძიებებში მონაწილეობისთვის გაემგზავრნენ.