აჭარის ავტონომიური რესპუბლიკის უმაღლესი საბჭოს კომიტეტების გაერთიანებულ სხდომაზე სამ მინისტრს მოუსმინეს

აჭარის ავტონომიური რესპუბლიკის უმაღლესი საბჭოს ჯანმრთელობის დაცვისა და სოციალურ საკითხთა და განათლების, მეცნიერების, კულტურისა და სპორტის საკითხთა კომიტეტების გაერთიანებულ სხდომაზე სამ მინისტრს მოუსმინეს.

ამის შესახებ ინფორმაციას აჭარის უმაღლესი აბჭო ავრცელებს. უწყების ცნობით, 2021-2024 წლების პრიორიტეტების დოკუმენტსა და საშუალოვადიანი სამოქმედო გეგმაზე, ძირითადი მოხსენებით, კანონმდებლების წინაშე ფინანსთა და ეკონომიკის მინისტრი ჯაბა ფუტკარაძე, ხოლო თანამოხსნებებით - ჯანმრთელობისა და სოციალური დაცვის მინისტრი ზაალ მიქელაძე, განათლების, კულტურისა და სპორტის მინისტრი მაია ხაჯიშვილი წარსდგნენ.

“მომხსენებელთა განცხადებით, მომავალი წლების პრიორიტეტები რეგიონის მოსახლეობის ინტერესების შესაბამისად განისაზღვრა. კითხვა-პასუხის დასრულების შემდეგ პრიორიტეტების დოკუმენტი და საშუალოვადიანი სამოქმედო გეგმა ორივე კომიტეტის წევრებმა ცნობად მიიღეს. სხდომაზე საქართველოს პარლამეტიდან შემოსული საკანონმდებლო ინიციატივები ჯანმრთელობის დაცვისა და სოციალურ საკითხთა კომიტეტის თავმჯდომარემ ნუგზარ სურმანიძემ წარმოადგინა - პარლამენტის წევრების: სოფიო კილაძის, ირაკლი კობახიძის, შალვა კიკნაველიძის, მერაბ ქვარაიას, რატი იონათამიშვილის, დიმიტრი ცქიტიშვილის, ილია ნაკაშიძის, დიმიტრი მხეიძის, დავით მათიკაშვილის, ანრი ოხანაშვილის, პაატა მხეიძის, გია ბენაშვილის, ცოტნე ზურაბიანის, გოგი მეშველიანის, ენძელა მაჭავარიანის, სვეტლანა კუდბას, ფატი ხალვაშისა და დიმიტრი ხუნდაძის მიერ საკანონმდებლო ინიციატივის წესით წარმოდგენილი საქართველოს კანონების პროექტები: „დასაქმების ხელშეწყობის შესახებ“, „ოფიციალური სტატისტიკის შესახებ“ საქართველოს კანონში ცვლილების შეტანის თაობაზე“, „ადამიანით ვაჭრობის (ტრეფიკინგის) წინააღმდეგ ბრძოლის შესახებ“ საქართველოს კანონში ცვლილების შეტანის თაობაზე“, საქართველოს ორგანული კანონების პროექტები: „საქართველოს ორგანულ კანონში „საქართველოს შრომის კოდექსი“ ცვლილების შეტანის შესახებ“, „საქართველოს ორგანულ კანონში „ადგილობრივი თვითმმართველობის კოდექსი“ ცვლილების შეტანის შესახებ“ და საქართველოს პარლამენტის რეგლამენტის პროექტი „საქართველოს პარლამენტის რეგლამენტში ცვლილების შეტანის შესახებ“ , უმაღლესი საბჭოს წევრებმა ცნობად მიიღეს”,- ნათქვამია ინფორმაციაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს