რესპუბლიკური საავადმყოფოს დირექტორის ლევან გოფოძის განცხადებით, კლინიკაში მკურნალობს 8 კოვიდინიცირებული აგრძელებს. როგორც მან ჟურნალიტებს განუცხადა, კლინიკაში ერთი მძიმე პაციენტი რჩება, რომლის მდგომარეობა უმჯობესდება.

„8 კოვიდინფიცირებული გვყავს. ვფიქრობთ, რომ დღეს ერთი შეიძლება გავუშვათ, გააჩნია, როგორი იქნება ფილტვის მდგომარეობა, კორონავირუსზე ნეგატიური პასუხი არის, მაგრამ მაინც რჩება პნევმონია, დღეს გადაკონტროლდება. რაც შეეხება მძიმე პაციენტს, მისი მდგომარეობა თანდათანობით გაუმჯობესდა, ბევრად უკეთ არის, მართვით სუნთქვაზე კი რჩება, მაგრამ ფილტვის მდგომარეობა საგრძნობლად გაუმჯობესდა. „ცხელების ცენტრში“ მომართვიანობაც შედარებით იკლო ჩვენთან ამ ბოლო ხანებში და ეს კარგია, ამიტომაც ვფიქრობთ, რომ თანდათანობით მუშაობის ჩვეულ რეჟიმში შეიძლება გადავიდეთ”, - განაცხადა გოფოძემ.

იხილეთ ვიდეო: ლევან გოფოძის თქმით, თანდათანობით მუშაობის ჩვეულ რეჟიმზე შეიძლება გადასვლა