გენერალური აუდიტორის განცხადებით, პროგრამა შეიმუშავეს, რაც საშუალებას მისცემს, გაცემული რეკომენდაციების შესრულების კონტროლი გააძლიერონ

გენერალური აუდიტორის ირაკლი მექვაბიშვილის განცხადებით, სახელმწიფო აუდიტის სამსახურმა შეიმუშავა პროგრამა, რომლის საშუალებითაც უწყებების მიერ აუდიტის სამსახურის რეკომენდაციების შესრულებაზე დაკვირვება ონლაინ რეჟიმში იქნება შესაძლებელი.

როგორც მექვაბიშვილმა პარლამენტის საფინანსო-საბიუჯეტო კომიტეტის სხდომაზე უწყების 2019 წლის ანგარიშის წარდგენისას განაცხადა, მიმდინარე წლის მეორე ნახევრიდან, პროგრამა სატესტო რეჟიმში დაინერგება იუსტიციის სამინისტროში, შემდეგი წლიდან კი ყველა უწყებას მოიცავს და მასზე წვდომა პარლამენტს ექნება.

„ჩვენმა IT სპეციალისტებმა შეიმუშავეს პროგრამა, რომელიც საშუალებას მოგვცემს გავაძლიეროთ გაცემული რეკომენდაციების შესრულების კონტროლი და მონიტორინგი. წლის მეორე ნახევრიდან სატესტო რეჟიმში დავიწყებთ მუშაობას იუსტიციის სამინისტროსთან, ხოლო მომდევნო წლიდან გვინდა, რომ ეს პროგრამა ყველა უწყებაში დაინერგოს. ამ პროგრამის საშუალებით დროის რეალურ რეჟიმში გვეცოდინება უწყებების ჭრილში რა ვითარებაა კონკრეტული რეკომენდაციის შესრულების შესახებ. ასევე, ბუნებრივია პარლამენტს ვაძლევთ გასაღებს და პარლამენტს საშუალება ექნება დიდი სურათი დაინახოს, ყველა უწყების ჭრილში,“- აღნიშნა გენერალურმა აუდიტორმა.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ