რომან გოცირიძე - ნუ დაუჯერებთ ქართული სუფრის იდილიას, არ არის საქართველოში ქალი თავისუფალი

მმართველი პარტია როგორც ყოველთვის, არის მატყუარა და დემაგოგი, როცა აცხადებს, რომ თითქოს ჩვენ არ ვუჭერთ მხარს გენდერულ კვოტირებას. ნუ დაუჯერებთ ქართული სუფრის იდილიას, არ არის საქართველოში ქალი თავისუფალი, - ამის შესახებ ფრაქცია "ნაციონალური მოძრაობის" თავმჯდომარე რომან გოცირიძემ ჟურნალისტებთაბ განაცხადა.

მისი თქმით, „უფრო ადრე, ვიდრე მატყუარა „ქართული ოცნება" მოიფიქრებდა, „ნაციონალური მოძრაობის" პარტიის წესდებაში ჩაწერილია იგივე, რასაც ახლა კანონის ფორმას აძლევს პარლამენტი".

როგორც მან აღნიშნა, „ნაციონალური მოძრაობა" გენდერულ კვოტირებას ახლაც მხარს უჭერს და მხარს უჭერდა ორი წლის წინაც, როცა ის უმრავლესობამ ჩააგდო.

"მმართველი პარტია როგორც ყოველთვის, არის მატყუარა და დემაგოგი, როცა აცხადებენ, რომ თითქოს ჩვენ არ ვუჭერთ მხარს გენდერულ კვოტირებას, ვუჭერდით მხარს ორი წლის წინათ, როცა წარმოადგინა ერთ- ერთმა არასამთავრობო ორგანიზაციამ და სწორედ ამ უმრავლესობამ ჩააგდო ეს პროექტი, "ნაციონალურმა მოძრაობამ" დაუჭირა მას მხარი და ჩვენ ახლაც ვუჭერთ მხარს. ეს არის დროებითი ზომა, რომელიც აუცილებელია საქართველოსთვის, სადაც სამწუხაროდ, ირღვევა ქალთა უფლებები. აუცილებელია ქალთა პოლიტიკური და ეკონომიკური განვითარებისთვის საკანონმდებლო ბერკეტებით ზრუნვა. ნუ დაუჯერებთ ქართული სუფრის იდილიას. არ არის საქართველოში ქალი თავისუფალი. აბა ნახეთ საჯარო რეესტრში, ქონების 80 პროცენტი გაფორმებულია კაცზე, აბა გაიარეთ ქუჩაში, რამდენი პროცენტი ზის მანქანაზე ქალი? - ათასიდან ერთი“, - განაცხადა გოცირიძემ.

ცნობისათვის, პარლამენტის რიგგარეშე პლენარულ სესიაზე საარჩევნო კოდექსში ცვლილებათა პროექტს განიხილავენ, რომლის თანახმად, გენდერული კვოტირება სავალდებულო ხდება და პარტიების მიერ წარმოდგენილ პროპორციულ სიაში ოთხში ერთი განსხვავებული სქესი უნდა იყოს. ალტერნატიული წინადადება აქვს დამოუკიდებელ დეპუტატ ეკა ბესელიას, რომელიც პარტიების სიაში 3- ში ერთ განსხვავებულ სქესს გულისხმობს.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს