შინაგან საქმეთა სამინისტროში ფეხბურთელ გიორგი შაქარაშვილის საქმეზე, ავთანდილ ბილანიშვილის, იგივე "კაწროს" გამოკითხვა დაიწყო.
"კაწრო" საგამოძიებო უწყებაში ცოტა ხნის წინ, ადვოკატთან ერთად მივიდა.
როგორც "ინტერპრესნიუსს" შინაგან საქმეთა სამინისტროში განუცხადეს, "ავთანდილ ბილანიშვილი გამოკითხვაზე დაბარებულია მედიაში გავრცელებული ინფორმაციის საფუძველზე".
ბილანიშვილის გამოკითხვაზე დაბარების შესახებ ინფორმაცია "ინტერპრესნიუსისთვის" ცნობილი ექსკლუზიურად, ცოტა ხნის წინ გახდა.
ცნობისთვის, გუშინ, ტელეკომპანია „მთავარმა არხმა“ გაავრცელა ვიდეომასალა, სადაც ჩანს, „ტოიოტა ქამრის“ მარკის ავტომანქანიდან ჩამოსვლის შემდეგ თუ როგორ ხვდება გურამ ამირხანაშვილი დაუდგენელ პირს. კადრებში ასევე ჩანს მიკროავტობუსი, საიდანაც სწორედ აღნიშნული პირი ჩამოდის. ის ამირხანაშვილს რამდენიმე წუთის განმავლობაში ესაუბრება. სავარაუდოდ, აღნიშნული პირი ავთანდილ ბილანიშვილია.