ოკუპირებულ აფხაზეთში გუდაუთის ე.წ. რესპუბლიკური საავადმყოფო ბოლო ორმა პაციენტმა დატოვა, რომლებიც კორონავირუსით იყვნენ დაინფიცირებულები და მკურნალობის კურსს გადიოდნენ. ამის შესახებ ე.წ. ოპერატიულ შტაბზე დაყრდნობით, სააგენტო „სპუტნიკ-აფხაზია“ იუწყება.

მათივე ცნობით, ბოლო დღე-ღამის მანძილზე, კორონავირუსზე ტესტირებისთვის ბიომასალა 50 ადამიანს აუღეს, რომელთაგან არც ერთს კოვიდ-19 არ დაუდასტურდა.

ოკუპირებულ ტერიტორიაზე კორონავირუსი სულ 38 ადამიანს დაუდგინდა, რომელთაგან 37 გამოჯანმრთელდა, ერთი პაციენტი კი გარდაიცვალა.