ბასტილიის აღების ეროვნულ დღესასწაულზე, ჯანდაცვის სფეროში დასაქმებულებმა პარიზში საპროტესტო მსვლელობა მოაწყეს

საფრანგეთში ბასტილიის აღების ეროვნულ დღესასწაულზე, ჯანდაცვის სფეროს თანამშრომლებმა პარიზში საპროტესტო მსვლელობა მოაწყეს. მათ უკეთესი სამუშაო პირობები და მეტი ანაზღაურება მოითხოვეს.

ასობით დემონსტრანტმა მსვლელობა რესპუბლიკის მოედნიდან ბასტილიის მოედნამდე მოაწყო. ჯანდაცვის სფეროს მუშაკების მსვლელობას, მხარდაჭერის ნიშნად, „ყვითელი ჟილეტების“ მოძრაობის წარმომადგენლებიც შეუერთდნენ.

მსვლელობა ძირითადად მშვიდობიანი იყო, თუმცა აქციის დასასრულს დაძაბულობა წარმოიქმნა, რა დროსაც პოლიციამ დემონსტრანტების წინააღმდეგ ცრემლსადენი გაზი გამოიყენა.

საფრანგეთში 14 ივლისს ბასტილიის აღების დღე, ეროვნული დღესასწაული აღინიშნება. ამ დღესთან დაკავშირებით ქვეყნის მასშტაბით სხვადასხვა ღონისძიებები გაიმართა, რომელსაც პრეზიდენტი ემანუელ მაკრონიც დაესწრო.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)