ეკა ბესელია - ბილბორდებზე კობახიძე, კილაძე, ოხანაშვილი და მათიკაშვილი ვერ გაიკვრებიან ხომ? ერთადერთი არის ივანიშვილი და ის თუ არ გამოჩნდა, ვინ არის “ქართული ოცნება”?

დამოუკიდებელი დეპუტატის, ეკა ბესელიას განცხადებით, მიუხედავად იმისა, იქნება თუ არა ბიძინა ივანიშვილი “ქართული ოცნების” სიის პირველი ნომერი, ის მაინც “ქართულ ოცნებასთან” ასოცირდება და მის გარეშე მმართველი პარტია აღარაფერი რჩება.

კითხვაზე, შესაძლებელია თუ არა ივანიშვილი “ქართული ოცნების” სიის სათავეში ვიხილოთ, ბესელია ვარაუდობს, რომ ასე არ იქნება.

“თუ თვითონ ყველაფერი თავდაყირა არ დააყენა, არ მგონია. იქნება თუ არა, ის ისედაც ასოცირდება “ქართულ ოცნებასთან”, იმიტომ, რომ “ქართული ოცნება” ივანიშვილის გარეშე ხომ აღარაფერი აღარ რჩება? ამიტომ ავტომატურად ამომრჩეველი იდენტიფიცირებას მასთან აკეთებს და სიაში ჩაეწეროს ისეთი არჩევნების წინ, სადაც მას თავად არ სჯერა, რომ უმრავლესობით მოიგებს ამ არჩევნებს. რა ლოგიკა უნდა იყოს, ვერ ვხვდები. ეს არის ერთადერთი რესურსი, რაც „ქართულ ოცნებას” დარჩა დღეს. ბილბორდებზე კობახიძე, კილაძე, ოხანაშვილი და მათიკაშვილი ვერ გაიკვრებიან ხომ? ერთადერთი ვინ დარჩა „ქართულ ოცნებას“, არის ივანიშვილი, რომელიც, თუ არ გამოჩნდა, მაშინ ვინ არის “ქართული ოცნება”? არავინ აღარ დარჩა. რამდენიმე ადამიანს თუ გამოაკლებთ, ვინც 2012 წლიდან დარჩა და რამდენიმე არის “ნაციონალური მოძრაობის” ფილიალი. ივანიშვილი თუ არ გამოჩნდა საჯარო შეხვედრების დროს, კამპანიას ვინ ჩაატარებს? ივანიშვილი გამოჩნდება თუ არა, ის არის “ქართული ოცნების” მთავარი შემომწირველიც, მთავარი პოლიტიკური საყრდენიც. მოცემულობა ესაა და ჩვენთვის ყველასთვის ეს ცნობილია“, - განაცხადა ბესელიამ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა