საფრანგეთში, აზერბაიჯანის საელჩოს შენობის წინააღმდეგ ვანდალური აქტი განხორციელდა , - ამის შესახებ ინფორმაციას აზერბაიჯანული მედია ქვეყნის საგარეო საქმეთა სამინისტროზე დაყრდნობით ავრცელებს.
მათივე ინფორმაციით, აღნიშნული ინციდენტის გამო, აზერბაიჯანში საფრანგეთის ელჩი საგარეო უწყებაში იყო დაბარებული.
აზერბაიჯანის საგარეო საქმეთა სამინისტრო აცხადებს, რომ ვანდალიზმის აქტი, სავარაუდოდ, სომეხი ახალგაზრდების რადიკალურმა დაჯგუფებამ ჩაიდინა.
აზერბაიჯანის საგარეო უწყება მსოფლიოს სხვადასხვა ქვეყანაში მდებარე საელჩოებსა და საკონსულოებს სიფრთხილის გამოჩენისკენ მოუწოდებს.
