ცხინვალის ე.წ. უშიშროების კომიტეტი - ზაზა გახელაძეს საქართველოს ხელისუფლების მხარდაჭერის ნაცვლად, იურისტის დახმარება სჭირდება

ოკუპირებული ე.წ. სამხრეთ ოსეთის დე ფაქტო ხელისუფლების განცხადებით, საქართველოს ხელისუფლება მათ მიერ გატაცებულ საქართველოს მოქალაქის ზაზა გახელაძის ოჯახს ვითარების მაქსიმალური აჟიოტაჟის მიზნით იყენებს. ამის შესახებ ინფორმაციას „სტპუტნიკი“ ავრცელებს.

სააგენტოს ცნობით, ზაზა გახელაძე 11 ივლისს დააკავეს ე.წ. საზღვრის „უკანონო კვეთის“ ბრალდებით, რა დროსაც, მათივე ცნობით, გახელაძემ ოკუპანტებს შეიარაღებული წინააღმდეგობა გაუწია, რის შედეგადაც თავადაც დაიჭრა ფეხში.

КГБ-ს ინფორმაციით, „დამრღვევის“ წინააღმდეგ აღძრულია სისხლის სამართლის საქმე „საზღვრის უკანონო კვეთისა“ და „სამართალდამცავი ორგანოს თანამშრომელზე თავდასხმის“ მუხლებით.

დე ფაქტო უწყების განცხადებით, ამ ფაქტს თბილისი ე.წ. საზღვარზე ვითარების დასაძაბად იყენებს. მათივე განცხადებით, „საქართველოს ხელისუფლება გახელაძის ოჯახის წევრებს იყენებს ვითარების დასაძაბად, როდესაც აქვეყნებენ მათ კომენტარებს პოლიტიზებულ და აშკარად არაობიექტურ მასალებს“.

КГБ-ს ინფორმაციით, ამ დროისთვის, საქართველოს ხელისუფლებისა და მისი დასავლელი კურატორების მხარდაჭერის ნაცვლად, იურისტის დახმარება სჭირდება, რადგან მის მიერ ჩადენილი ქმედება განიხილება სისხლის სამართლის კანონმდებლობის მიხედვით.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)