გიორგი გახარია - არჩევნებს და საპარლამენტო სავარძლებს ნუ გადავაყოლებთ ამ ქვეყანას

ამ არჩევნებს და საპარლამენტო სავარძლებს ნუ გადავაყოლებთ ამ ქვეყანას, - ამის შესახებ პრემიერ-მინისტრმა გიორგი გახარიამ ჟურნალისტებს განუცხადა.

ის ასევე გამოეხმაურა ოპოზიციური პარტიების მიერ გავრცელებულ განცხადებას, სადაც ოპონენტების წინააღმდეგ ხელისუფლების ზეწოლაზეა საუბარი. გახარიას განცხადებით, წინასაარჩევნო პერიოდის გამო, ზოგი პოლიტიკურ ზეწოლაზე საუბრობს და ზოგი - მედიაზე.

„რა პოლიტიკურ ზეწოლაზეა საუბარი, ხალხო. თვითონ რაზეც უნდა, იმაზე შეუძლია ისაუბროს. არჩევნებში ვართ და ცხადია, ზოგი პოლიტიკურ ზეწოლაზე ისაუბრებს, ზოგი მედიაზე ზეწოლაზე, მაგრამ არსებობს გარემო, როდესაც ამ ქვეყანაში გამოხატვის თავისუფლება არავის შეუზღუდავს. ვსაუბრობთ ღიად ყველასთან ყველაფერზე და მოდით, ასე გავაკეთოთ: არჩევნების ღირსეულად ჩატარება მხოლოდ და მხოლოდ ერთი პარტიის ან საზოგადოების რაღაც ნაწილის მიზანი არ უნდა იყოს. ჩვენი ყველას მიზანი ეს უნდა იყოს, იმიტომ, რომ არჩევნებით შეაფასებენ ერთ რომელიმე პოლიტიკურ ძალას კი არა, არამედ - ქვეყანას. როდესაც უკვე თითქმის პროპორციული საარჩევნო სისტემა, საპარლამენტო დემოკრატია გვაქვს, ამ ქვეყანას შეუძლია, რომ დემოკრატიის თვალსაზრისით შემდგომი ნაბიჯი გადადგას და ეს ყველამ ერთად უნდა გავაკეთოთ. ჩვენი ქვეყნის წინსვლა და წარმატება ჩვენი ყველას ერთობლივი შრომის შედეგი უნდა იყოს. ამ არჩევნებს და საპარლამენტო სავარძლებს ნუ გადავაყოლებთ ამ ქვეყანას რა!“ - განაცხადა გახარიამ.

ცნობისთვის, ბუტა რობაქიძის საქმესთან დაკავშირებით 22 ივლისს ირაკლი ოქრუაშვილის სასამართლო პროცესი გაიმართება. ამასთან დაკავშირებით, ოპოზიციურმა პარტიებმა ერთობლივი განცხადება გაავრცელეს, სადაც ნათქვამია, რომ ოქრუაშვილთან დაკავშირებული სისხლის სამართლის საქმის „გაცოცხლებით“, ხელისუფლება ოპონენტებზე ზეწოლას ცდილობს.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი