ქუთაისში მოკლული 30 წლის ქალის ოჯახის ადვოკატის განცხადებით, შემთხვევის დროს, ადგილზე შესაძლოა, დაკავებული ქალის მეუღლეც ყოფილიყო

ქუთაისში მოკლული 30 წლის ქალის ოჯახის ადვოკატის, ციცინო ბაბუნაშვილის განცხადებით, შემთხვევის დროს, ადგილზე შესაძლოა, მეგობრის მკვლელობის ბრალდებით დაკავებულის მეუღლეც ყოფილიყო.

როგორც ადვოკატი აღნიშნავს, გარდაცვლილი ქალის ოჯახი დაზარალებულის სტატუსს ოფიციალურად დღეს მიიღებს, რის შემდეგაც საქმეში ჩაერთვებიან.

„პროკურორს გუშინ ვესაუბრეთ და გვითხრა, რომ დაკავება გაგრძელდებოდა. არსებული ინფორმაციით, კიდევ ორი პირი, სავარაუდოდ, ადგილობრივები არიან დაკავებილი. არ არის გამორიცხული მათი რაოდენობა გაიზარდოს. დღეს, ალბათ, ოფიციალურად ჩავერთვებით და გადმოგვეცემა საქმის მასალები. მოტივი ჯერჯერობით უცნობია, რამდენიმე ვერსია განიხილება, მაგრამ მკვლელი და მოკლული მეგობრობდნენ და არ ვიცით, რა მოხდა. დაუზუსტებელი ინფორმაციით, შემთხვევის დროს კაცის ხმაც ესმოდათ და დაზუსტდება, იყო თუ არა ეს დაკავებულის მეუღლე“, -აცხადებს ბაბუნაშვილი.

ცნობისთვის, შემთხვევა ქუთაისში 18 ივლისს მოხდა. სამართალდამცავებმა 45 წლის ქალი დააკავეს, რომელმაც თავის მეგობარ ახალგაზრდა ქალს სტუმრად ყოფნის დროს, ურთიერთშელაპარაკების ნიადაგზე, ცივი იარაღით რამდენიმე ჭრილობა მიაყენა და ადგილიდან მიიმალა.

გამოძიება სსკ-ის 108-ე მუხლით მიმდინარეობს, რაც განზრახ მკვლელობას გულისხმობს.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს