ოკუპირებული ე.წ. სამხრეთ ოსეთის დე ფაქტო უშიშროების კომიტეტის ინფორმაციით, რუსეთის სასაზღვრო სამმართველოსთან ერთად, ახალგორში არასაცხოვრებელ ტერიტორიაზე საბრძოლო მასალები აღმოაჩინეს. ამის შესახებ „რია ნოვოსტი“ იუწყება.
ე.წ. უშიშროების კომიტეტში განაცხადეს, რომ ე.წ. სამხრეთ ოსეთსა და საქართველოს შორის „საზღვარზე“ არსებული მძიმე ვითარებისა და „ქართული მხრიდან შეიარაღებული პირების მიერ გახშირებული დარღვევების გათვალისწინებით“, არ არის გამორიცხული იმის ალბათობა, რომ ეს მასალები განკუთვნილი იყო შეიარაღებული პროვოკაციისთვის რესპუბლიკის ტერიტორიაზე.
„ამ დროისთვის კომპეტენტური ორგანოების მიერ მიმდინარეობს შემოწმებითი ღონისძიებები“, - განაცხადეს დე ფაქტო კომიტეტში.