რატი იონათამიშვილის ინფორმაციით, კახა ოქრიაშვილს დამოუკიდებელ კანდიდატად კენჭისყრა სურს

ფრაქცია "ქართული ოცნების" თავმჯდომარის, რატი იონათამიშვილის განცხადებით, კახა ოქრიაშვილს დამოუკიდებელ კანდიდატად კენჭისყრა სურს. ასე პასუხობს იონათამიშვილი კახა ოქრიაშვილთან დაკავშირებით დასმულ კითხვას, თუ რატომ არ წარადგინა "ქართულმა ოცნებამ" ის მაჟორიტარობის კანდიდატად.

"კახას თვითონ სურდა, ყოფილიყო დამოუკიდებელი კანდიდატი. ეს მისი სურვილი იყო. ეს ნორმალურია, ვფიქრობ. ეს ორმხრივი გადაწყვეტილება იყო და ამაში უცნაური და გასაკვირი არაფერია,"- განაცხადა იონათამიშვილმა.

ის ასევე გამოეხმაურა ოპოზიციაში გაკეთებულ განცხადებებს და აღნიშნა, რომ მათგან "ქართული ოცნების" მაჟორიტარი კანდიდატების მიმართ საქმიანი კრიტიკა ვერ მოისმინეს. მისივე თქმით, ოპოზიცია შეგუებულია, რომ არჩევნებს წააგებს.

"იყო მხოლოდ პიროვნული შეურაცხყოფები, რაც იმას ნიშნავს, რონ ისინი შეგუებულები არიან, რომ ამ არჩევნებზე დამარცხდებიან. დარწმუნებული ვარ და უკვე ფაქტია, რომ ჩვენი მაჟორიტარების უმეტესობა პირველივე ტურში მოიპოვებს დამაჯერებელ გამარჯვებას.

მე არ მიკვირს, რომ ასეთი შეშინებული კომენტარები აქვთ ოპოზიციის წარმომადგენლებს. ეს იმას ნიშნავს, რომ ჩვენი არჩევანი არის ღირსების და მომავლის მხარეს. ეს დადასტურდება საპარლამენტო არჩევნებში,"- განაცხადა იონათამიშვილმა.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ციტადელი“ მომხმარებელს ახალ შოურუმში ეპატიჟება
როგორ ვისარგებლოთ თიბისი ფეის აპლიკაციით
კრედო ბანკსა და ევროპის საინვესტიციო ბანკს შორის მიკრო, მცირე და საშუალო ბიზნესების ხელშესაწყობად 36 მილიონი ლარის მოცულობის საფინანსო ხელშეკრულება გაფორმდა