უკრაინული მედია კიევის საერთაშორისო აეროპორტში ნაღმის არსებობის შესახებ იუწყება

უკრაინული მედია კიევის საერთაშორისო აეროპორტში ნაღმის არსებობის შესახებ ინფორმაციას ავრცელებს. გავრცელებული ცნობით, კიევი-ჟულიანის საერთაშორისო აეროპორტის ტერიტორიაზე ასაფეთქებელი მოწყობილობის არსებობის შესახებ ანონიმური შეტყობინება გაკეთდა. Unian-ის ინფორმაციით, ხორციელდება მგზავრების ევაკუაცია. ამავე ინფორმაციით, აეროპორტში ნაღმის შესახებ ინფორმაცია სოციალურ ქსელებში გავრცელდა და პოლიციაში შეტყობინება არ შესულა.

შეგახსენებთ, მანამდე გავრცელდა ინფორმაცია, რომ უკრაინის დედაქალაქ კიევში, მეტროსადგურ „მინსკაიასთან“ ახლოს, ორი თვითნაკეთი ასაფეთქებელი მოწყობილობა გაანეიტრალეს.

„ტექნიკოსებმა ბაზარში ორი თვითნაკეთი ასაფეთქებელი მოწყობილობა გაანეიტრალეს. ასაფეთქებელი მოწყობილობების შესახებ ინფორმაცია ანონიმურმა პირმა მოგვაწოდა, რომელმაც დაახლოებით 12:00 საათზე დარეკა. სამართალდამცავებმა და გამნაღმველებმა აღნიშნული ინფორმაცია შეამოწმეს და სახიფათო ნივთები აღმოაჩინეს. ასაფეთქებელი მოწყობილობები განეიტრალებულია“, - განაცხადა კიევის მერმა ვიტალი კლიჩკომ.

უკრაინაში ეს მოვლენები იმ ფონზე ვითარდება, როცა ქალაქ ლუცკში უცნობმა მამაკაცმა ავტობუსი გაიტაცა და მძევლები აიყვანა. მან ვიდეომიმართვაც გაავრცელა, სადაც აცხადებს, რომ ავტობუსი დანაღმულია, ხოლო ქალაქში კიდევ ერთი ასაფეთქებელი მოწყობილობა არის დამონტაჟებული.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან