სალომე ზურაბიშვილი ევროკომისიის პრეზიდენტს - ევროკავშირის გაძლიერება მნიშვნელოვანი გზავნილია ასოცირებული სახელმწიფოებისათვის

საქართველოს პრეზიდენტმა სალომე ზურაბიშვილმა ევროკომისიის პრეზიდენტს, ურსულა ფონ დერ ლეიენს წერილი გაუგზავნა და კორონავირუსით დაზარალებული ეკონომიკის სტიმულირების პაკეტზე ერთსულოვან შეთანხმებას ისტორიული გადაწყვეტილება უწოდა. ინფორმაციას საქართველოს პრეზიდენტის ადმინისტრაცია ავრცელებს.

"დღეს ისტორიული დღეა! კორონავირუსით დაზარალებული ეკონომიკის სტიმულირების პაკეტზე ერთსულოვანი შეთანხმება ისტორიული გადაწყვეტილებაა, რითიც ევროკავშირმა მსოფლიოს სოლიდარობის თვალსაჩინო მაგალითი გვიჩვენა.

Caption

მიუხედავად მსოფლიოში არსებული კრიზისისა და ევროკავშირში კორონავირუსის პანდემიით გამოწვეული სირთულეებისა მიღებულია გადაწყვეტილება, რომელიც მნიშვნელოვნად შეუწყობს ხელს ევროკავშირის გაძლიერებას და განვითარებას.

ევროკავშირის გაძლიერება და კრიზისის ამ ფორმით დაძლევა მნიშვნელოვანი გზავნილია ასოცირებული სახელმწიფოებისათვის, რომლებისათვისაც ევროკავშირი და მასში ინტეგრაცია ერთადერთი პერსპექტივაა.

ამ გამოწვევებით აღსავსე დროს, ევროკავშირი კვლავ საქართველოს უძლიერესი მხარდამჭერი და პარტნიორია", - აღნიშნულია პრეზიდენტის მიერ გაგზავნილ წერილში.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)