შინაგან საქმეთა სამინისტროში, გიორგი შაქარაშვილის საქმესთან დაკავშირებით, არასრულწლოვანი ნ.ხ. გამოიკითხა. მას თან ადვოკატი ახლდა.
მედიასთან არც არასრულწლოვანს და არც მის ადვოკატს კომენტარი არ გაუკეთებიათ.
ამ დრომდე გამოკითხვაზე იმყოფება დიჯეი კოკო, იგივე კონსტანტინე ღიბრაძე. შსს-ში ასევე დღეს გამოიკითხა ანა გაბეჩავა.
ცნობისთვის, 19 წლის ფეხბურთელის, გიორგი შაქარაშვილის გარდაცვალების საქმეზე 17 პირს აღკვეთის ღონისძიების სახით პატიმრობა აქვს შეფარდებული. ისინი ბრალს არ აღიარებენ.