კოვიდინფექციის დღევანდელი რიცხვი არის საყურადღებო, თუმცა უნდა აღიშნოს, რომ ჩვენი მხრიდან ეს პროცესი არის გაკონტროლებული, - ამის შესახებ ჯანდაცვის მინისტრმა ეკატერინე ტიკარაძემ არსებული ეპიდსიტუაციის შეფასებისას განაცხადა.
მისი თქმით, კორონავირუსის დღეს გამოვლენილი 24 შემთხვევიდან მხოლოდ ორი მათგანი საჭიროებს დამატებით კვლევას.
„აქ არის 10 კონტაქტი, რომელიც აღმოჩენილია წინა კოვიდინფიცირებულებისგან, რომელიც ჩვენ წინა დღეებში გვყავდა. 7 შემთხვევა არის იმპორტირებული. მნიშვნელოვანია ის, რომ ამ 24 ინფიცირებულში არის 5 მძღოლი და მხოლოდ ორი შემთხვევაა, რომელიც საჭიროებს დამატებით კვლევას, თუ ვინ არიან ინფიცირებულების კონტაქტები, რაც მიმდინარეობს ამ ეტაპზე“, - განაცხადა ტიკარაძემ.