ოკუპირებულ აფხაზეთში კორონავირუსის ორი ახალი შემთხვევა დადასტურდა

ოკუპირებულ აფხაზეთში კორონავირუსის ორი ახალი შემთხვევა დადასტურდა, - ამის შესახებ ინფორმაციას ადგილობრივი მედია ავრცელებს. მათივე ინფორმაციით, "კოვიდ-19" სოხუმის საავადმყოფოს ერთ-ერთ პაციენტს დაუდგინდა, რომელიც აფხაზეთში კრასნოდარიდან 10 დღის წინ დაბრუნდა და მას შემდეგ, რაც თავი შეუძლოდ იგრძნო სოხუმის საავადმყოფოში მოათავსეს. დე ფაქტო ხელისუფლების ინფორმაციით, ამჟამად პაციენტის მდგომარეობა სტაბილურია.

რაც შეეხება მეორე შემთხვევას, დაინფიცირებული სომხეთის მოქალაქეა, რომელიც ოკუპირებულ რეგიონში სამუშაოდ ჩავიდა. მოქალაქეს ქრონიკული დაავადების გამო ჯანმრთელობის პრობლემა შეექმნა და სოხუმის საავადმყოფოში მოათავსეს, მოგვიანებით კი, ახლობლების მოთხოვნით, სოჭში გადაიყვანეს, სადაც ვირუსი დაუდასტურდა.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)