23 წლის თამარ ბაჩალიაშვილის ოჯახის ადვოკატის მიხეილ რამიშვილის განცხადებით, შესაძლოა, წინასწარ გავრცელდეს ინფორმაცია, ჰქონდა თუ არა გარდაცვლილს სხეულზე დაზიანებები.
„ამის თაობაზე, ძალიან მალე, შეიძლება დღესვე წინასწარი ინფორმაცია გავრცელდეს, გოგონას სხეულიდან გამომდინარე, რა მდგომარეობაშიც იყო, რისი საშუალებაც ჰქონდათ ექსპერტებს“, - აცხადებს ადვოკატი.
მან უარყო გავრცელებული ვერსია, თითქოს თამარ ბაჩალიაშვილს გაუჩინარებამდე ოჯახთან მცირე კონფლიქტი ჰქონდა.
„ადამიანს მცირე კონფლიქტი ყველასთან და ყოველთვის აქვს, მაგრამ ეს არანაირად არ შეიძლება, თვითმკვლელობის ან მსგავსი ქმედებების მიზეზი იყოს“,- განაცხადა ოჯახის ადვოკატმა.
ცნობისთვის, 23 წლის თამარ ბაჩალიაშვილი რამდენიმე დღის განმავლობაში გაუჩინარებული იყო. ის 22 ივლისს, თეთრიწყაროს მუნიციპალიტეტში, ტყესთან, საკუთარ ავტომობილში გარდაცვლილი იპოვეს.