მურატ ჯიოევი - 30 ივლისიდან ერგნეთში მოლაპარაკებები განახლდება
ოკუპირებული ე.წ. სამხრეთ ოსეთი და ქართული მხარე 30 ივლისიდან ინციდენტების პრევენციისა და მათზე რეაგირების მექანიზმების ფარგლებში არსებული მოლაპარაკებების ფორმატს განაახლებენ, რომელიც გასული წლის აგვისტოში შეწყდა. „ტასს“-ის ინფორმაციით, ამის შესახებ ე.წ. პრეზიდენტის სრულუფლებიანმა წარმომადგენელმა პოსტკონფლიქტური დარეგულირების საკითხებში მურატ ჯიოევმა განაცხადა.
„წინასწარი შეთანხმება ამის შესახებ მხარეებს შორის მიღწეულია „ცხელი ხაზის“ მეშვეობით გამართული კონსულტაციით“, - აღნიშნა ჯიოევმა.
მისი თქმით, შეხვედრაზე განიხილავენ უსაფრთხოებასთან დაკავშირებულ ვითარებას ე.წ. საზღვარზე.
მისი განცხადებით, შეხვედრა სოფელ ერგნეთში, კორონავირუსთან დაკავშირებული პანდემიის გამო უსაფრთხოების შესაბამისი წესების დაცვით ჩატარდება.
