ჩენდუში მდებარე აშშ-ს საკონსულოს დახურვისას, მაშინ, როდესაც საკონსულოს თანამშრომლები წასასვლელად ემზადებოდნენ, შენობის გარეთ უსაფრთხოების მკაცრი ზომები მოქმედებდა. საკონსულოს დახურვის გადაწყვეტილება ჩინეთმა თავის მხრივ, მას შემდეგ მიიღო, რაც აშშ-მ მიიღო გადაწყვეტილება, ჰიუსტონში მდებარე ჩინეთის საკონსულო დაეხურა.
"როიტერსის" ინფორმაციით, დიპლომატიური ობიექტის მუშაობის შეწყვეტის დროს პოლიცია გარეთ შეიკრიბა და ქუჩა გადაკეტა. საკონსულოს ემბლემა შენობიდან ჩამოხსნეს, შენობის ტერიტორიაზე კი მოგვიანებით სამი სატვირთო ფურგონი შევიდა. პოლიციელებმა დააკავეს პირი, რომელიც ტრანსპარანტის გაშლას ცდილობდა.
ექსპერტების შეფასებით, ოფიციალურ ვაშინგტონსა და პეკინს შორის მიმდინარე წელს გაუარესებული ურთიერთობა ყველაზე უარესია, რაც ბოლო ათწლეულების განმავლობაში ყოფილა.