დავით საგანელიძის განცხადებით, „საპარტნიორო ფონდის“ რეფორმირების პროცესი დაწყებულია

„საპარტნიორო ფონდის" აღმასრულებელი დირექტორის, დავით საგანელიძის განცხადებით, ფონდის რეფორმირების პროცესი დაწყებულია.

როგორც მან ჟურნალისტებს განუცხადა, „საპარტნორო ფონდის“ საქმიანობის მთავარი მიზანი და ამოცანა მნიშვნელოვანი პროექტების დაფინანსება უნდა იყოს.

„დიდი ხანია არის საუბარი ფონდის რეფორმირებაზე. მოგეხსენებათ, ფონდი 2010 წელს შეიქმნა და ამჟამად ის თავისი სტრუქტურით ნამდვილად ვერ აკმაყოფილებს დღევანდელ მოთხოვნებს. უკვე დაწყებულია ეს ცვლილებები. მინდა მოგახსენოთ, რომ ენერგეტიკის ობიექტები ფონდიდან უკვე გასულია. არის ამჟამად რკინიგზა, ნავთობისა და გაზის კორპორაცია, რომელიც იმედი მაქვს, რომ ფონდიდან ასევე გავა. ფონდს შეუნარჩუნდება მხოლოდ ის მნიშვნელოვანი ფუნქცია, როგორიც არის საქართველოში სხვადასხვა მიმართულების, სტრატეგიულად მნიშვნელოვანი, რეგიონების მიხედვით უმნიშვნელოვანესი პროექტების დაფინანსება, ისეთი პროექტების, რომელსაც ბანკები არ აფინანსებენ იმ მიზეზით, რომ არის სტარტაპი, ან მაღალი რისკები. ამ დროს, სახელმწიფოსთვის ეს პროექტები არის მნიშვნელოვანი. სწორედ ეს უნდა იყოს „საპარტნორო ფონდის“ საქმიანობის მთავარი მიზანი და ამოცანა“,- განაცხადა საგანელიძემ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია