გია ვოლსკის განცხადებით, საქართველოს კარგი შედეგები აქვს და ამის გამო „ასე გააფთრებით უტევს ოპონენტების გარკვეული ჯგუფი" ხელისუფლებას

პარლამენტის პირველი ვიცე - სპიკერის გია ვოლსკის განცხადებით, საქართველოს, საერთაშორისო კვლევებით, სხვადასხვა მიმართულებით კარგი შედეგები აქვს და სწორედ ეს არის იმის მიზეზი, რის გამოც „ასე გააფთრებით უტევს ოპონენტების გარკვეული ჯგუფი" ხელისუფლებას. აღნიშნულის შესახებ ვოლსკიმ აშშ- ის კონგრესის ქვედა პალატაში დამტკიცებული კანონპროექტის კომენტირებისას განაცხადა და აღნიშნა, რომ ბოლო 4 წელში აშშ- მა საქართველოს დაფინანსება 3- ჯერ გაზარდა.

„ის, რომ სახელმწიფო დეპარტამენტს უნდა ჰქონდეს წარმოდგენა და სრული სურათი თუ რა ხდება ამ ქვეყნებში, რომელსაც აშშ დახმარებას უწევს, ეს ჩვეულებრივი ამბავია. აშშ- ის დახმარება საქართველოსთვის ბოლო 4 წლის განმავლობაში გაიზარდა სამჯერ, აქედან გამომდინარეობს კიდევ ერთი დასკვნა, თუ რაზე მეტყველებს საერთაშორისო კვლევითი ორგანიზაციები: დემოკრატიის განვითარებაზე, დემოკრატიული ინსტიტუტების სიძლიერეზე, მედიის თავისუფლებაზე, სასამართლოს თავისუფლებაზე, უსაფრთხო ქვეყნების რეიტინგშიც საქართველო მოწინავე ადგილებზეა და სწორედ ეს არის ის მიზეზი, რის გამოც ასე გააფთრებულად გვიტევს ჩვენი ოპონენტების გარკვეული ჯგუფი, მათ შორის, შესანიშნავი ახალგაზრდა ჟურნალისტების მეშვეობით,"- განაცხადა ვოლსკიმ.

ცნობისათვის, აშშ-ის კონგრესის წარმომადგენელთა პალატამ 2021 ფისკალური წლის სახელმწიფო, საგარეო ოპერაციების და მათთან დაკავშირებული პროგრამების შესახებ კანონპროექტი დაამტკიცა, რომელშიც საქართველოსთვის ფინანსური დახმარების გაწევის პირობებზეცაა საუბარი. დოკუმენტში აღნიშნულია, რომ საქართველო 2021 წელს დახმარების სახით არანაკლებ 132 025 000 აშშ დოლარს მიიღებს, თუმცა ხაზგასმულია, რომ აღნიშნული დახმარების 15 პროცენტის საქართველოსთვის გადაცემა შესაძლოა, შეჩერდეს იქამდე, ვიდრე აშშ-ის სახელმწიფო მდივანი დაადგენს და ასიგნებების კომიტეტს წარუდგენს ანგარიშს იმის შესახებ, რომ საქართველოს მთავრობა შესაბამის ნაბიჯებს დგამს დემოკრატიული ინსტიტუტების გაძლიერების, კორუფციასთან ბრძოლის, კერძო სექტორში კანონის უზენაესობის, ქვეყანაში უცხოური ბიზნესის დაცვის კუთხით.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა