კომპანია Google-ი თანამშრომლებისთვის მუშაობის დისტანციურ რეჟიმს მინიმუმ 2021 წლის ივლისამდე ახანგრძლივებს. ამის შესახებ ინფორმაციას CNN-ი ავრცელებს.

ტელეკომპანიის ცნობით, მანამდე კომპანიაში აცხადებდნენ, რომ დასაქმებულთა უმეტესობა დისტანციურად 2020 წლის ბოლომდე იმუშავებდა, ზოგიერთი თანამშრომელი კი ოფისში დაბრუნებას უფრო ადრეც შეძლებდა.

თუმცა, მსოფლიოს ერთ-ერთმა უდიდესმა ტექნოლოგიურმა კომპანიამ გადაწყვეტილება შეცვალა და თანამშრომლებისთვის მუშაობის დისტანციურ რეჟიმი 2021 წლის ივლისამდე გაახანგრძლივა.