გერმანია საკუთარ მოქალაქეებს მოუწოდებს, ესპანეთის სამ რეგიონში გამგზავრებისგან თავის შეიკავონ

გერმანიის საგარეო საქმეთა სამინისტრო საკუთარ მოქალაქეებს აფრთხილებს, კორონავირუსით ინფიცირების შემთხვევების ზრდის გამო, ესპანეთის სამ რეგიონში არააუცილებელი ვიზიტებისგან თავი შეიკავონ, - ამის შესახებ ინფორმაციას BBC-ი ავრცელებს.

საგარეო უწყების მიერ გავრცელებული განცხადების თანახმად, აღნიშნული რეგიონებია: არაგონი, კატალონია და ნავარა.

BBC წერს, რომ ამ სამ რეგიონში ბოლო დღეების განმავლობაში ინფიცირების შემთხვევებმა საგრძნობლად მოიმატა, თუმცა ესპანეთის ხელისუფლება ამტკიცებს, რომ სიტუაციას აკონტროლებს.

შეგახსენებთ, გუშინ დიდი ბრიტანეთის ხელისუფლებამ საკუთარ მოქალაქეებს მოუწოდა, ესპანეთში გამგზავრებისგან, აუცილებელი შემთხვევების გარდა, თავი შეიკავონ და ესპანეთიდან ჩასული მოქალაქეებისთვის ორკვირიანი კარანტინი დააწესა. ამ გადაწყვეტილებას ესპანეთის პრემიერ-მინისტრმა არამართებული უწოდა და აღნიშნა, რომ ქვეყანაში ტურისტები იმაზე მეტად იქნებიან დაცულები, ვიდრე ისინი დიდ ბრიტანეთში არიან.

იხილეთ ვიდეო:გერმანია საკუთარ მოქალაქეებს ესპანეთის ნაწილში გამგზავრებისგან თავის შეკავებისკენ მოუწოდებს

ლევან ლორთქიფანიძე - საუბედუროდ, უნდა ვაღიაროთ, რომ საქართველომ სუვერენიტეტი დაკარგა, როგორც დღეს იტყვიან ხოლმე, საქართველო არის რუსეთის „პროქსი“ ძალა
ქართული პრესის მიმოხილვა 07.07.2025
ნათია ჯანაშია და დავით ცეცხლაძე ირაკლი გილაურის წინააღმდეგ სისხლის სამართლებრივ გამოძიებას ითხოვენ
Bybit-მა საქართველოში ოფიციალური ვებგვერდი - BybitGeorgia.ge გახსნა, რომელიც ქართველ მომხმარებლებს ლოკალიზებულ კრიპტო სერვისებსა და ჯილდოებს სთავაზობს