ოკუპირებულ აფხაზეთში კორონავირუსის 6 ახალი შემთხვევა გამოვლინდა

გასული დღე-ღამის განმავლობაში, ოკუპირებულ აფხაზეთში კორონავირუსზე ტესტი 72 ადამიანს ჩაუტარდა და მათგან ვირუსი 6 ადამიანს დაუდასტურდა. ინფორმაციას ადგილობრივი მედია ავრცელებს.

მათივე ცნობით, ინფიცირებულებთან კონტაქტში მყოფი ყველა პირის დადგენის პროცესი გრძელდება.

ამჟამად გუდაუთის ცენტრალურ რაიონულ საავადმყოფოში კორონავირუსით ინფიცირებული 9 პაციენტი მკურნალობს, ხოლო 7 ადამიანი სახლში თვითიზოლაციაში იმყოფება.

დე ფაქტო რეჟიმის ბოლო მონაცემებით, აფხაზეთში ამ დრომდე კორონავირუსი სულ 63 ადამიანს გამოუვლინდა. მათგან 37 ადამიანი განიკურნა, ორი შემთხვევა კი ლეტალურად დასრულდა. გარდა ამისა დღესვე ცნობილი გახდა, რომ მოსახლეობის კორონავირუსის ინფექციისგან დაცვის ე.წ. ოპერატიული შტაბის გადაწყვეტილებით, კორონავირუსის გამო მოქმედი შეზღუდვები 4 აგვისტომდე გახანგრძლივდა. იზღუდება აფხაზეთ-რუსეთის დე ფაქტო საზღვარზე პირების გადაადგილებაც, გარდა გამონაკლისი შემთხვევებისა.

იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
ქართული პრესის მიმოხილვა 07.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ახალი Galaxy Note 20 და Note 20 Ultra წინასწარი შეკვეთა დაიწყო
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში