„თავისუფალი საქართველო“  ხვალ, ქუთაისში პარტიის რეგიონულ ოფისს გახსნის

„ჩვენი პარტია პოლიტიკურ ძალებს თანდათან იკრებს. ხვალ „თავისუფალი საქართველოს“ რეგიონულ ოფისს ქუთაისში გავხსნით, - ამის შესახებ, „თავისუფალი საქართველოს“ ლიდერმა კახა კუკავამ განაცხადა.

კახა კუკავას თქმით, საქართველოში ოლიგარქიული მართველობა საბოლოოდ უნდა დასრულდეს.

„ჩვენს მხარდამჭერებს საშუალება ექნებათ თავიანთი პრობლემები და ქვეყნის გადარჩენის მათეული ხედვა იმერეთის რეგიონულ ოფისში დააფიქსირონ. მე და ჩემი გუნდი მზად ვართ, ყველა პატრიოტთან ერთად ვიბრძოლოთ საქართველოს უკეთესი მომავლისთვის. ივანიშვილის რვაწლიანმა მმართველობამ ნათლად დაგვანახა, რომ ქვეყნის განვითარებას, არა მილიონერები, არამედ პატრიოტი ადამიანები სჭირდება. სახელმწიფოს, მხოლოდ ამ შემთხვევაში აქვს შანსი გამოვიდეს იმ სტაგნაციიდან, რომელსაც წინა და მოქმედი ხელისუფლების პირობებში განიცდიდა და დღემდე განიცდის. დღეისათვის საკანონმდებლო ორგანოში „ქართული ოცნების“ სიით, დეპუტატის მანდატს 41 ადამიანი ფლობს. უმეტეს მათგანს საპარლამენტო მიკროფონი ერთხელაც კი არ ჩაურთავს, თუმცა, როდესაც მათ ბიზნესს ეხება საქმე, ისინი ძალღონეს არ იშურებენ, დაიცვან საკუთარი ინტერესები, ამომრჩეველი კი, მხოლოდ წინასაარჩევნო პერიოდში, დაპირებების გაცემის დროს ახსენდებათ“, - აღნიშნა კახა კუკავამ.

მომავალი თვიდან „თავისუფალი საქართველოს“ ლიდერები მხარდამჭერებთან შეხვედრებს ყველა რეგიონში გამართავენ, რომლის დროსაც ამომრჩევლებს პარტიის სამოქმედო პროგრამას გააცნობენ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 24.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი