თამარ ბაჩალიაშვილის მამა - ცხედრისთვის დნმ-ის ანალიზის ჩატარებას არ ვითხოვ, ვითხოვ შს სამინისტრომ გამოიძიოს საქმე

მე არ ვითხოვ ცხედრისთვის დნმ-ის ანალიზის ჩატარებას. მჯერა ჩემი ადვოკატის და ექსპერტის, - ამის შესახებ 23 წლის თამარ ბაჩალიაშვილის მამამ, ჯუმბერ ბაჩალიაშვილმა, „პალიტრავიდეოსთან“ განაცხადა.

ჯუმბერ ბაჩალიაშვილის განცხადებით, ის შინაგან საქმეთა სამინისტროს და მთავრობას უნდობლობას არ უცხადებს.

„დაველოდოთ გამოძიებას, არავის არ ვუცხადებ უნდობლობას, არც ამ მთავრობას, არც შინაგან საქმეთა სამინისტროს. მე უნდობლობას ვუცხადებ გამოძიებას. დაიკითხოს ის პიროვნება, ღამე, სამ საათზე რომ მითხრა კომპიუტერი გავხსენით, მაგაზე ვმუშაობ, ძალიან დიდი პრობლემის წინაშე იყო შენი შვილიო, ახლა რომ იძახიან არ არის გახსნილიო. მიხეილ რამიშვილი რომ იყო გუშინ ექსპერტიზის ბიუროში ერთი ამბავი იყო, კინაღამ შეჭამეს კაცი. რატომ იყო გახსნილი კომპიუტერი?! “ - განაცხადა ჯუმბერ ბაჩალიაშვილმა.

მისივე თქმით, ის გარდაცვლილი 23 წლის თამარ ბაჩალიაშვილის ცხედრისთვის დნმ-ის ანალიზის ჩატარებას არ ითხოვს.

„ცხედარი რომ ვნახე ისეთ დღეში იყო, თითქოს სადღაც „შებოლეს“. ასეთი რამ არ მინახავს, დღემდე შოკში ვარ. დახურულ სივრცეში აწეულ შუშებში, ასეთი რაღაც არ ხდება. ჩემ გულისკტკივილს არვინ უსმენს. ერთი სიტყვა წამომცდა დნმ... ჯერ ეს ადრეა. მე ვენდობი ადვოკატს, ექსპერტს. გაბრაზებული, ემოციური ვიყავი და ვთქვი დნმ. მე არ ვითხოვ ცხედრისთვის დნმ-ის ანალიზის ჩატარებას. მჯერა, ჩემი ადვოკატის და ექსპერტის. ვითხოვ შინაგან საქმეთა სამინისტრომ გამოიძიოს საქმე, იქ ბევრი კეთილი ადამიანია, ვინც გულთან მიიტანს. მინდა გავიგო სიმართლე ვინ მოკლა ჩემი შვილი. მეორე ვარიანტი, ვინ მიიყვანა თვითმკვლელობამდე“ , - განაცხადა ჯუმბერ ბაჩალიაშვილმა.

ცნობისთვის, თამარ ბაჩალიაშვილი 18 ივლისს გაუჩინარდა. ახალგაზრდა პროგრამისტი სათვალთვალო კამერებმა ბოლოს თეთრიწყაროს რაიონში დააფიქსირეს. 23 წლის თამარ ბაჩალიაშვილი 5-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს.

გუშინ, ლევან სამხარაულის სახელობის სასამართლო ექსპერტიზის ეროვნული ბიუროში 23 წლის თამარ ბაჩალიაშვილის კუთვნილი კომპიუტერის სკანირების პროცედურა დაიწყო.

ოჯახის ადვოკატის მიხეილ რამიშვილის განცხადებით, ის ფაქტი, რომ ექსპერტიზის ბიუროში მას ბაჩალიაშვილის კომპიუტერი დალუქულ მდგომარეობაში არ დახვდა, ბევრ კითხვის ნიშანს აჩენს.

როგორც „ინტერპრესნიუსთან“ საუბარში რამიშვილი აცხადებს, აღნიშნული ფაქტი ამართლებს გარდაცვლილის მამისთვის პოლიციელის მიერ ნათქვამ ფრაზას - „კომპიუტერი გავხსენით და თქვენი გოგო შარში“ არისო.

იხილეთ ვიდეო: ბაჩალიაშვილის მამა განმარტავს, მართლა შეაქვს თუ არა ეჭვი, რომ გარდაცვლილი შესაძლოა, მისი ქალიშვილი არ იყოს - მოითხოვს თუ არა ოჯახი დმნ-ის ანალიზს

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 24.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი