„ემის“ დაჯილდოების ცერემონია ონლაინ რეჟიმში გაიმართება
„ემის“ დაჯილდოების ცერემონია 20 სექტემბერს ონლაინ რეჟიმში გაიმართება, - მედიის ინფორმაციით, ამის შესახებ ტელევიზიის აკადემიამ განაცხადა.
მათივე ინფორმაციით, გადაწყვეტილება კორონავირუსის პანდემიის გამო მიიღეს.
„ვაცნობიერებთ, რომ ჩვენი სამყარო რთულ პერიოდშია. მოცემული გარემოებებიდან გამომდინარე, იძულებულები ვართ, ღონისძიება ონლაინ რეჟიმში ჩავატაროთ,“- ნათქვამია ორგანიზატორების მიერ ხელმოწერილ წერილში.
ორგანიზატორები აცხადებენ, რომ ისინი ნომინანტებთან მჭიდროდ ითანამშრომლებენ და მათ საკუთარ სახლებში ან სხვა ადგილებში გადაიღებენ.
რაც შეეხება „დრეს- კოდს“, მათი განმარტებით, ნომინანტებს შეუძლიათ სურვილისამებრ ჩაიცვან.
ღონისძიებას ცნობილი წამყვანი ჯიმი კიმელი ABC-ზე უმასპინძლებს.
ცნობისათვის, ემის რიგით 72-ე დაჯილდოების ნომინანტების სია ორი დღის წინ გახდა ცნობილი.
v-if="article.gallery" v-html="article.gallery"
