აშშ-ის სასამართლომ ბოსტონის აფეთქების მოწყობაში ბრალდებული ჯოხარ ცარნაევის სიკვდილით დასჯის განაჩენი გააუქმა

აშშ-ის ფედერალურმა სააპელაციო სასამართლომ ბოსტონის აფეთქების მოწყობაში ბრალდებული ჯოხარ ცარნაევისსიკვდილით დასჯის განაჩენი გააუქმა, - ინფორმაციას ამის შესახებ „როიტერსი“ ავრცელებს.

სააგენტოს ცნობით, სამი მოსამართლისგან შემდგარმა პანელმა ცარნაევის მიმართ წაყენებული ბრალდებების უმეტესობას დაუჭირა მხარი, თუმცა გასცა განკარგულება ახალი სასამართლო პროცესის შესახებ, რისი საშუალებითაც უნდა დადგინდეს, თუ რა სასჯელი ეკუთვნის ბრალდებულს.

სასამართლოს აღნიშნულ გადაწყვეტილებას აშშ-ის პრეზიდენტი დონალდ ტრამპი გამოეხმაურა და ცარნაევს „მხეცი“ უწოდა.

„ბოსტონში, მარათონის დროს, ამ ცხოველმა ბევრი ადამიანი მოკლა. სააპელაციო სასამართლომ სიკვდილით დასჯის განაჩენი ქვედა ინსტანციაში დააბრუნა. ასე რომ, ისინი ამაზე დიდი ხნის განმავლობაში იკამათებენ. ეს სასაცილოა,“ – განაცხადა დონალდ ტრამპმა.

შეგახსენებთ, 2013 წლის 5 აპრილს, ბოსტონის მარათონის ფინიშის ხაზთან მომხდარი აფეთქების შედეგად 3 ადამიანი დაიღუპა, 260 კი დაშავდა. აღნიშნული აფეთქების მოწყობაში მონაწილეობის გამო, 2015 წელს ნაფიც მსაჯულთა სასამართლომ ჯოხარ ცარნაევს სიკვდილით დასჯა მიუსაჯა.

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 14.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
ირმა ინაშვილი საქართველოსა და აშშ-ის ხელისუფლებას მოუწოდებს, IRI-სა და NDI-ს საქართველოში კვლევების ჩატარება და გამოქვეყნება აეკრძალოთ
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
"პარვუს ჯგუფი" ოზურგეთის ინტერნეტიზაციის შესახებ მედიაში გავრცელებულ ცრუ ინფორმაციას ეხმაურება (R)
ბათუმში დიჯიტალ ტვ-ის ოფისი გაიხსნა