საქართველოს თასზე არჩილ ტატუნაშვილის სახელობის ტურნირის ფინალური მატჩი გაიმართა

საქართველოს თასზე არჩილ ტატუნაშვილის სახელობის ტურნირის ფინალური მატჩი გაიმართა. კერძოდ, ვეტერანების საქმეთა სახელმწიფო სამსახურის ინფორმაციით, მიმდინარე წლის 2 აგვისტოს, ვეტერანების საქმეთა სახელმწიფო სამსახურისა და საქართველოს ამპუტანტთა ფეხბურთის ასოციაციის ორგანიზებით და საქართველოს ფეხბურთის ფედერაციისა და თავდაცვის სამინისტროს მხარდაჭერით, თბილისში, სპორტულ-გამაჯანსაღებელ პარკ "მზიურის" საფეხბურთო სტადიონ "მასტერ კლას-არენაზე" გაიმართა არჩილ ტატუნაშვილის სახელობის ტურნირის ფინალური მატჩი საქართველოს თასზე.

ფინალური ასპარეზობა თბილისის „თბილისსა" და ბათუმის „ბათუმის" ამპუტანტ ფეხბურთელებს შორის გაიმართა და თბილისელთა გამარჯვებით 6:0 დასრულდა.

„თბილისმა", ვეტერანების საქმეთა სახელმწიფო სამსახურის მიერ ამ ტურნირისთვის დაწესებული გარდამავალი თასი ზედიზედ მესამედ მოიპოვა და ამიტომ, გუნდს იგი მუდმივ მფლობელობაში გადაეცა. თბილისის „თბილისს", მოპოვებული ჯილდო არჩილ ტატუნაშვილის მამამ, გივი ტატუნაშვილმა და საქართველოს თავდაცვის სამინისტროს თავდაცვის ძალების მეთაურის მოადგილემ, გენერალური შტაბის უფროსმა, ბრიგადის გენერალმა, ჯონი ტატუნაშვილმა გადასცეს, ხოლო მეორე ადგილზე გასულ ფეხბურთელებს, მეორე ადგილისთვის განკუთვნილი თასი ვეტერანების საქმეთა სახელმწიფო სამსახურის დირექტორმა, ვლადიმერ იმნაძემ და თავდაცვის ძალების მეთაურის მოადგილემ, ბრიგადის გენერალმა, ირაკლი ჭიჭინაძემ. აღნიშნული ტურნირის მატჩები ჩატარდა კოვიდ 19-ის გავრცელების პრევენციასთან დაკავშირებული რეგულაციების დაცვით. არჩილ ტატუნაშვილის სახელობის ტურნირი ამპუტანტ ფეხბურთელთა შორის, საქართველოს თასზე, 2018 წელს დაარსდა და წელს მესამედ ჩატარდა”,-აღნიშნულია ვეტერანების საქმეთა სახელმწიფო სამსახურის მიერ გავრცელებულ ინფორმაციაში.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა