გიორგი კახიანი - არის შემთხვევები, როდესაც მაჟორიტარები ადგილზე მაჟორიტარული საქმიანობით მეტად არიან დაკავებულები, ვიდრე საკანონმდებლო პროცესში ჩართულობით

არის შემთხვევები, როდესაც მაჟორიტარები ადგილზე მაჟორიტარული საქმიანობით მეტად არიან დაკავებულები, ვიდრე საკანონმდებლო პროცესში ჩართულობით, - ამის შესახებ პარლამენტის ვიცე - სპიკერმა გიორგი კახიანმა განაცხადა, რითაც გამოეხმაურა „საერთაშორისო გამჭვირვალობა - საქართველოს“ კვლევას, რომლის მიხედვითაც 2019 წელს პარლამენტში სიტყვით გამოსვლის უფლებით 21 დეპუტატს ერთხელაც არ უსარგებლია.

კახიანის თქმით, აღნიშნული არ ამართლებს პარლამენტში სიტყვით გამოსვლის უფლების არგამოყენებას.

როგორც მან აღნიშნა, პარლამენტის წევრმა უნდა ისარგებლოს იმ უფლებებით, რაც მას კანონით აქვს მინიჭებული, მათ შორის საპარლამენტო ტრიბუნით.

ამასთან, კახიანის თქმით, საპარლამენტო საქმიანობის შესახებ კვლევაში ბევრი პოზიტიური აქცენტია გაკეთებული.

„მინდა აღვნიშნო, რომ საკმაოდ ბევრი პოზიტიური აქცენტია გაკეთებული ამ შეფასებებში. ეს, რა თქმა უნდა, უკავშირდება ახალი რეგლამენტის ამოქმედებას იმიტომ, რომ რეგლამენტმა ბევრი პოზიტიური სიახლე შემოიტანა საპარლამენტო ცვლილებაში. ამ შეფასებებში ჩანს, რომ საპარლამენტო კონტროლის თვალსაზრისით საპარლამენტო საქმიანობა არის გაუმჯობესებული. პარლამენტის წევრების გააქტიურებაზეცაა საუბარი და სხვა არაერთი ძალიან პოზიტიური ცვლილებებია. ბუნებრივია, არის გარკვეული შენიშვნები. შენიშვნების ნაწილში, შეიძლება ნაწილს არ ვიზიარებდე. იყო რამდენიმე საკანონმდებლო ცვლილებაზე საუბარი, რომელიც არც თუ ისე პოზიტიურ ცვლილებად იყო განხილული“, - განაცხადა კახიანმა.

ცნობისთვის, „საერთაშორისო გამჭვირვალობა - საქართველოს“ ანგარიშის მიხედვით, გასულ წელს, პარლამენტში სიტყვით გამოსვლის უფლებით 21 დეპუტატს ერთხელაც არ უსარგებლია.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს