ზურაბ ჭიაბერაშვილი - წლებია „ქართულ ოცნებას“ დამცავი ინფრასტრუქტურა არ განუახლებია, რომ მდინარე კაბალმა კალაპოტი არ გადმოლახოს

„ევროპული საქართველოს“ მაჟორიტარობის კანდიდატის ზურაბ ჭიაბერაშვილის შეფასებით, ხელისუფლება მოქალაქეების პრობლემების მიმართ უყურადღებობასა და გულგრილობას იჩენს.

როგორც ჭიაბერაშვილმა ლაგოდეხში სტიქიით დაზარალებული რამდენიმე სოფლის მონახულების შემდეგ განაცხადა, წლებია „ქართულ ოცნებას“ დამცავი ინფრასტრუქტურა არ განუახლებია, რომ მდინარემ კალაპოტი არ გადმოლახოს.

„დღეს ლაგოდეხის რამდენიმე სოფელი მოვინახულე, სადაც წუხელ ადიდებულმა მდინარე კაბალმა ოჯახებს ნათესები გაუნადგურა, კარ-მიდამო დაუტბორა, ფრინველი დაუხოცა, გზები მოუშალა. ხომ მძიმეა მიყენებული ზიანი, მაგრამ ოჯახებს სასოწარკვეთაში აგდებს ხელისუფლების უყურადღებობა და გულგრილობა. წლებია, დამცავი ინფრასტრუქტურა არ განახლებულა, რომ მდინარემ კალაპოტი არ გადმოლახოს. მეორე საკითხია დაზარალებულთა დახმარება, რომელზეც ბიუჯეტის მჭამელი „ოცნება" სულ უსახსრობას იმიზეზებს. დაზარალებულებს დახმარება სჭირდებათ!”, - განაცხადა ზურაბ ჭიაბერაშვილმა.

გუშინ, ღამით მდინარე კაბალმა სოფლები დატბორა. ადგილობრივებს ნათესები გაუნადგურდათ და ფრინველები დაეხოცათ.

ინფორმაციას „ევროპული საქართველოს“ პრესსამსახური ავრცელებს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს