კახა კალაძე - ჭავჭავაძის გამზირზე ნაგვის მიწისზედა ურნები აღარ იქნება

ჭავჭავაძის გამზირზე ნაგვის მიწისზედა ურნები აღარ იქნება. ამის შესახებ თბილისის მერმა კახა კალაძემ მუნიციპალიტეტის მთავრობის სხდომაზე განაცხადა. როგორც კალაძემ აღნიშნა, გამზირის რეაბილიტაციის შემდეგ მიწის ქვეშ განთავსებული ნაგვის ურნები უკვე შესაძლებელია მოსახლეობამ გამოიყენოს.

მიწისზედა ურნების აღების დავალება დედაქალაქის მერმა „თბილსერვის ჯგუფის" ხელმძღვანელს მისცა.

„ნარჩენების ურნები ჭავჭავაძის გამზირზე პირველად განთავსდა მიწის ქვეშ. აღებული გვაქვს ვალდებულება ნარჩენების გადამუშავების და ამ მიმართულებით საკანონმდებლო ორგანოში მუშაობა დაწყებულია. ასევე, ვმუშაობთ ნარჩენების ქარხნის მშენებლობის საკითხზე. ჭავჭავაძეზე საძირკველი უკვე ჩავასხათ მიწის ნარჩენების ურნებისთვის. ეს ურნები პრობლემას წარმოადგენდა ვიზუალურად, სუნით. ეს მოგვცემს იმის შესაძლებლობას, რომ ნარჩენების დაცლა ყოველდღე არ მოხდეს. კვირაში ერთხელ - ორჯერ საკმარისი იქნება ამ ურნების დაცლა. პირველ ეტაპზე ურნების გამოყენება ჩვეულებრივ შეგვიძლია და არ არის საჭირო სეპარირება, სანამ კანონპროექტი არ დაგვეწევა და არ დავიწყებთ კონკრეტულად გადამამუშავებელი ქარხნის მშენებლობას. ჩემი დავალებაა შესაბამისმა სამსახურებმა მოახდინოს ღია ურნების აღება ჭავჭავაძის გამზირიდან, რომელიც ხელს უშლის ველოსიპედებით და სკუტერების გადაადგილებას. მნიშვნელოვანია რაც შეიძლება მეტი კომუნიკაცია საზოგადოებასთან, როგორ მოვიხმაროთ ეს ურნები",- განაცხადა კალაძემ.

იხილეთ ვიდეო: ჭავჭავაძის გამზირზე ნაგვის მიწისზედა ურნები აღარ იქნება

რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ქართული პრესის მიმოხილვა 21.10.2021
დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს