საქართველოს ეროვნული ბანკის პრეზიდენტის, კობა გვენეტაძის განცხადებით, არსებული პროგნოზით, 2020 წელს ტურიზმიდან შემოსავლები 80%-ით შემცირდება.

მისივე განმარტებით, აღნიშნული პროგნოზი იმ დაშვებით კეთდება, რომ წლის დარჩენილ პერიოდში ტურიზმიდან შემოსავლები მინიმალური იქნება.

„მიმდინარე უპრეცედენტო კრიზისის მთავარი მახასიათებელია მაღალი გაურკვევლობა და ეს განსაკუთრებით ეხება ტურისტულ ნაკადებს, რადგანაც ამ სიტუაციაში ტურისტული ნაკადების აღდგენის პერსპექტივა, როგორც გლობალურად, ასევე საქართველოში. ჩვენ პროგნოზებში კონსერვატიულ მიდგომას ვინარჩუნებთ და შესაბამისად, ჩვენი პროგნოზი ეყრდნობა დაშვებას, რომ წლის დარჩენილ პერიოდში ტურიზმიდან შემოსავლები იქნება მინიმალური, რაც ნიშნავს, რომ საბაზო სცენარის მიხედვით, 2020 წელს წინა წელთან შედარებით, ტურიზმიდან შემოსავლები 80%-ით შემცირდება“,-აღნიშნა კობა გვენეტაძემ.