ოკუპირებულ აფხაზეთში დამსვენებლებში კორონავირუსით დაინფიცირების პირველი შემთხვევა გამოვლინდა. ამის შესახებ ე.წ. ოპერატიული შტაბი იუწყება.
მათივე ცნობით, დაინფიცირებული მკურნალობის მიზნით, რუსეთის ტერიტორიაზე გადაიყვანეს.
შტაბის ინფორმაციით, რუსეთის მოქალაქე, რომელსაც კორონავირუსი გამოუვლინდა, 7 აგვისტოს გაგრაში ნათესავებთან ჩავიდა. ყველა მათგანი, ვისაც მასთან ჰქონდა კონტაქტი, თვითიზოლაციაში იმყოფება. მათ დღეს ვირუსზე ტესტი ჩაუტარდებათ.
ამ დროისთვის გუდაუთის საავადმყოფოში 42 პაციენტი მკურნალობს, ვისაც კოვიდ-19 დაუდასტურდა.