გურჯაანის მუნიციპალიტეტის სოფელ ვეჯინში მცხოვრებ მამაკაცს კორონავირუსი დაუდასტურდა. ის ლარსის საბაჟო გამშვებ პუნქტზე მუშაობს.

ინფორმაციას ადასტურებენ გურჯაანის საზოგადოებრივი ჯანმრთელობის ცენტრში. ეპიდემიოლოგ მანანა გოგაშვილის თქმით, ახალგაზრდა ოჯახში 4 დღის წინ იმყოფებოდა, რის გამოც კონტაქტში მყოფი ყველა პირი თვითიზოლაციაშია, თუმცა არცერთ მათგანს ვირუსის საეჭვო სიმპტომი არ აღენიშნება.

ინფიცირებული პირი ამ ეტაპზე თბილისის საავადმყოფოში მკურნალობს. დაინფიცირების წყარო ჯერჯერობით უცნობია.