"საქართველოს წითელი ჯვრის საზოგადოების" ინფორმაციით, დღეს საზოგადოების სათავო ოფისს საფრანგეთის საგანგებო და სრულუფლებიანი ელჩი საქართველოში, დიეგო კოლასი ესტუმრა.

„შეხვედრას "საქართველოს წითელი ჯვრის საზოგადოების პრეზიდენტმა" ნათია ლოლაძემ, გენერალურმა მდივანმა ნინო ოსეფაიშვილმა და წითელი ჯვრისა და წითელი ნახევარმთვარის საზოგადოებათა საერთაშორისო ფედერაციის ოფისის ხელმძღვანელმა სამხრეთ კავკასიაში, ოლგა ჯუმაევამ უმასპინძლეს.

საფრანგეთის ელჩი "საქართველოს წითელი ჯვრის საზოგადოების" ძირითად საქმიანობებსა და COVID-19-ზე რეაგირების აქტივობებს გაეცნო. შეხვედრისას მხარეებმა ასევე განიხილეს სამომავლო თანამშრომლობის პერსპექტივები",-აღნიშნულია "საქართველოს წითელი ჯვრის საზოგადოების" მიერ გავრცელებულ ინფორმაციაში.