„თავისუფალმა საქართველომ“ დიდუბე-ჩუღურეთის რაიონში მაჟორიტარი კანდიდატი წარადგინა

ნაძალადევის, მთაწმინდა-კრწანისის, სამგორის რაიონების შემდეგ, „თავისუფალმა საქართველომ“, კიდევ ერთი დეპუტატობის კანდიდატი, თენგიზ ომანიძე დიდუბე-ჩუღურეთის რაიონში დაასახელა. ამის შესახებ „ინტერპრესნიუსს“ პარტიის პრესსამსახურიდან აცნობეს.

„მინდა ჩვენს მხარდამჭერებს თენგიზ ომანიძე წარვუდგინო, რომელიც ახალგაზრდა, საკმაოდ გამოცდილი და ენერგიული ადამიანია. გარდა იმისა, რომ იგი თავისი ქვეყნის პატრიოტია, თენგიზ ომანიძე პროფესიონალი იურისტიცაა, რომელსაც მევახშეების წინააღმდეგ არაერთი საქმე აქვს მოგებული. სწორედ მისი დამსახურებაა, რომ ათეულობით ოჯახმა საკუთარი სახლ-კარი შეინარჩუნა და ღია ცის ქვეშ, ბედის ანაბარად არ არიან დარჩენილები“, - განაცხადა პარტიის ლიდერმა კახა კუკავამ.

მისივე განმარტებით, „თავისუფალი საქართველო“ სულ უფრო მეტად იკრებს პოლიტიკურ ძალებს და ეს ყველაფერი 31 ოქტომბრის საპარლამენტო არჩევნებზე დეკლარირებული იქნება.

„ჩვენ, საკუთარ შესაძლებლობებს რეალურად ვაფასებთ და ფსევდო ოპტიმიზმით არ ვართ შეპყრობილები, თუმცა დაბეჯითებით შემიძლია, ვთქვა, რომ „თავისუფალი საქართველო“ გასული წლების მაჩვენებლების გასამმაგებას შეძლებს, რის საფუძველზეც საქართველოს პარლამენტში ერთადერთი თუ არა, ერთ-ერთი გამოკვეთილი ეროვნული ძალა იქნება, რომელიც ნეოლიბერალიზმსა და მის გამოვლინებებს მნიშვნელოვან პოლიტიკურ წინააღმდეგობას გაუწევს“,- აღნიშნა „თავისუფალი საქართველოს“ ლიდერმა.

დღეს, ამომრჩევლებთან შეხვედრისას, საკუთარი პოზიცია დეპუტატობის კანდიდატმაც დააფიქსირა.

როგორც თენგიზ ომანიძემ აღნიშნა, „თავისუფალი საქართველო“ სწორედ ის პარტიაა, რომელიც ქვეყნისა და საზოგადოების სწორ განვითარებაზეა ორიენტირებული და მისი პოლიტიკური არჩევანი მთლიანად ეროვნულ პლატფორმას ეფუძნება.

„საქართველოში უამრავი პარტიაა, თუმცა „თავისუფალი საქართველო“ ის პოლიტიკური ძალაა, რომელიც წლიდან-წლამდე საკუთარ შეხედულებებს გემოვნებისა და დროის მიხედვით არ იცვლის. მიხარია, რომ ამ გუნდის წევრი ვარ და მზად ვარ ჩემს თანამოაზრეებთან ერთად, ქვეყნის განვითარებასა და მის წარმატებას შევუწყო ხელი“, - განაცხადა თენგიზ ომანიძემ.

პარტიის პრესსამსახურის ცნობით, „თავისუფალი საქართველო“ მიმდინარე თვეში, მაჟორიტარ კანდიდატებს დედაქალაქის სხვა რაიონებშიც წარადგენს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024